Samstag, 2. April 2016
Nachtruhe!
„Wo isch d Sunne?“, hend sich di Neue gfroget. Di alte hend nu für de Kater gsorget. Frisch und munter hemmer am Morge trainiert und au öpe e Flanke probiert.
De Pass de sitzt und alle hend gschwitzt. Zmittag uf Sankhuser reserviert, het üs de Sterne e feins Esse serviert. Volle wiene Tonne, simmer ab ad Sonne. E Überraschig gits nochem Esse, aber de Clay seit nüt, chasch vergesse.
Grechnet hemmer mit em Marcel Koller, doch sone Schiffsfahrt mit em Polizeiboot isch scho toller. Mitere Füerig hemmer gstartet und nei, es isch nöd usgartet. Voller Stolz Hendl üs eres Schiffli zeiget, em Walter und em Peter ischs nöd verleidet. „Wer nöd gumpet isch en Walter“, da merket mer üs bis is hoche Alter.
Zrugg in Hard gohts wider los, Training Nr. 2 – Wir waren grandios! Nochere verdiente Duschi simmer wieder frisch, Bier und Chips stönd au scho uf em Tisch. Bregenz isch üsen nögste Halt – Esse, Trinke, Tanze – so sind mer halt.
Die Nacht wird krass, „Alles Clay, oder was?!“
